[Rank]
S. S. Joannis de Matha Confessoris;;Duplex;;3;;vide C5
[Rule]
vide C5;mtv
9 lectiones
[Oratio]
Deus, qui per sanctum Joannem ordinem sanctissimae Trinitatis ad redimendum de~
potestate Saracenorum captivos caelitus instituere dignatus es: praesta~
quaesumus; ut, ejus suffragantibus meritis, a captivitate corporis et animae, te~
adjuvante, liberemur.
$Per Dominum
[Lectio4]
Ioannes de Matha, ordinis sanctissimae Trinitatis Redemptionis Captivorum~
institutor, Falcone in Provincia natus est parentibus pietate et nobilitate~
conspicuis. Studiorum causa Aquas Sextias, mox Parisios profectus, confectoque~
theologiae curriculo, magisterii lauream adeptus, doctrinae et virtutum~
splendore enituit. Quibus motus Parisiensis Antistes, ad sacrum presbyteratus~
ordinem prae humilitate reluctentem promovit, eo consilio, ut in ea civitate~
commorans, sapientia et moribus studiosae juventuti praeluceret. Cum autem in~
sacello eiusdem episcopi, ipso cum aliis astante, primum Deo Sacrum offorret,~
coelesti favore meruit recreari. Nam Angelus candida et fulgenti veste indutus,~
cui in pectore crux rubei et caenilei coloris assuta erat, brachiis cancellatis,~
et super duos captivos ad latera positos, Christianum unum, alterum Maurum,~
extensis, apparuit. Qua visione in extasim raptus, intellexit protinus vir Dei,~
se ad redimendos ab infidelibus captivos destinari.
[Lectio5]
Duo vero maturius in re tanti momenti procederet, in solitudinem secessit,~
ibique divino nutu factum est, ut Felicem Valesium in ipsa eremo jam multis~
annis degentem repererit: cum quo inita societate, se per triennium in oratione,~
et contemplatione omniumque virtutum studio exorcuit. Contigit autem, ut dum~
secum de rebus divinis prope fontem colloquerentur, cervus ad eos accesserit,~
crucem inter cornua gerens, rubei et caerulei coloris. Cumque Felix ob rei~
novitatem miraretur, narravit ei Joannes visionem in prima Missa habitam: et~
exinde ferventius orationi incumbentes, ter in somnis admoniti, Romam proficisci~
decreverunt, ut a Summo Pontifice novi ordinis pro redimendis captivis~
institutionem impetrarent. Electus fuerat eo tempore Innocentius tertius: qui~
illis benigne acceptis dum secum de re proposita deliberat, in festo sanctae~
Agnotis secundo, Laterani intra Missarum solemnia ad sacrae Hostiae elevationem,~
Angelus ei candida veste, cruce bicolori, specie redimentis captivos apparuit.~
Quo viso Pontifex institutum approbavit, et novum ordinem sanctissimae~
Trinitatis Redemptionis Captivorum vocari jussit, ejusque professoribus albas~
vestes cum cruce rubei et caerulei coloris praebuit.
[Lectio6]
Sic stabilito ordine, sancti fundatores in Galliam redierunt, primoque caenobio~
Cervi frigidi in dioecesi Meldensi constructo, ad ejus regimen Felix remansit,~
et Joannes Romam cum aliquot sociis reversus est, ubi Innocentius domum,~
ecclesiam, et hospitale sancti Thomae de Formis in monte Caelio eis donavit cum~
multis reditibus et possessionibus. Datis quoque litteris ad Miramolinum regem~
Marochii, opus redemptionis felici auspicio inchoatum fuit. Tum ad Hispanias,~
sub jugo Saracenorum magna ex parte oppressas, Joannes profectus est, regumque~
principum atque aliorum fidelium animos ad captivorum et pauperum~
commiserationem commovit. Monasteria aedificavit, hospitalia erexit, magnoque~
lucro animarum plures captivos redemit. Romam tandem reversus, sanctisque~
operibus incumbens, assiduis laboribus attritus, et morbo confectus,~
ardentissimo Dei et proximi amore exsestuans, ad extremum devenit. Quare~
fratribus convocatis, eisque ad opus redemptionis caelitus praemonstratum~
efficaciter cohortatis, obdormivit in Domino sextodecimo Kalendas Januarii, anno~
salutis millesimo ducentesimo decimo tertio; ejusque corpus in ipsa ecclesia~
sancti Thomae de Formis condigno honore tumulatum fuit.
[Lectio94]
Joánnes de Matha, Falcóne in Província piis et nobílibus paréntibus natus, cum primum Deo Sacrum offérret, per visiónem intelléxit, se ad rediméndos ab infidelibus captívos destinári. Quare divíno nutu in erémum secéssit, ubi Felícem Valésium in ea jam multis annis degéntem réperit. Ibi fervéntius cum oratióni vacárent, ter in somnis admóniti, Romam profécti, ab Innocéntio Papa tértio approbatiónem novi órdinis sanctíssimæ Trinitátis pro rediméndis captívis obtinuérunt. Tum primum cœnóbium in diœcési Meldénsi construxérunt, cui regéndo Felix remánsit. Joánnes vero Romam cum áliquot sóciis revérsus est, ubi Innocéntius domum, ecclésiam et hospitále sancti Thomæ de Formis in monte Cælio eis donávit. Datis quoque lítteris ad Miramolínum regem Maróchii, opus redemptiónis felíciter inchoátum fuit. Tum Joánnes ad Hispánias, sub jugo Saracenórum magna ex parte oppréssas, proféctus, ómnium ánimis ad captivórum commiseratiónem commótis, hospitália eréxit et plures captívos redémit, Romam demum revérsus, assíduis fractus labóribus et morbo conféctus, óbiit in Dómino, sextodécimo Kaléndas Januárii, anno millésimo ducentésimo décimo tértio.
&teDeum
[Lectio7]
@Commune/C5:Lectio7
[Lectio8]
@Commune/C5:Lectio8
[Lectio9]
@Commune/C5:Lectio9
|